Huglist

Jólakortagerð helgina15-16/9

Mon, 17 Sep 2007 22:01:17 GMT

síðustu helgi tóku sumir meðlimir Huglistar að vinna í jólakortagerð sem verða svo til sÖlu í byrjun desember og verður auglýst betur síðar. þessi markaður verður með málverkum teikningum og leirlist og jólaföndri og list frá meðlimum huglistar

Huglist er að setja sig í gírinn og ætla að vera einnig með til sölu smákökur og jafnverl lifandi tónlist ef hljómsveitin getur æft vegna húsnæðisleysis en við gerum allt sem við getum til að hafa þessa helgi sem skemmtilegasta þegar markaðurinn verður og Ziggi verður í jólafíling á skýinu sinu á svæðinu ;)

kveðja Huglist i JÓLA GÍR

Sýningar og baráttan

Wed, 05 Sep 2007 21:49:42 GMT

Eftir sýninguna í vor hefur Huglist verið að leita eftir aðstöðu til að geta unnið að list sinni, myndsköpun og tónlist. Huglist hefur kynnt sér aðstöðu í Punktinum og Lautinni en ekki er mögulegt fyrir hópinn að nýta sér það. Aðstaðan á Punktinum hentar ekki undir starf Huglistar og ekki er vilji til að gera hópnum kleyft að nýta aðstöðu Lautarinnar. Huglistar hópurinn hefur óskað eftir fundi með stjórn Lautarinnar og bíðum við eftir svari frá þeim.

Sýning er í gangi á Safnasafninu þar sem Finnur og Stefán sýna. Annari sýningu finns, Gegnum augu húsanna, er nýlokið á Kaffi Lísu á Hjalteyri.

Neðst á síðunni er nýr flokkur sem heitir Huglist Myndir. Þar eru myndir af Huglistarfundi 30. ágúst. Var þá grillað heima hjá Hallgrími. Einnig eru myndir af flutningi á Zigga, en hann er enn einusinni kominn með nýtt heimili.

Syningin í Safnasafninu er til hliðar í flokkinum Sýningin.

Kveðja, Huglist

Huglist á dögum Hugarafls

Sat, 16 Jun 2007 00:35:37 GMT

ef ykkur langar að sjá myndbönd frá Hugaraflsdögunum þá voru Huglistar listamenn með innlegg þar og það er hér til vinsti tonlist ziggy´s freaks með 2 frumsamin lög og svo er ljóðalestur einnig í myndformi hérna til vinstri neðst þar sem tveir úr hóp huglistar fluttu frumsamin ljóð og hringhendur

kær kveðja Huglist 8)

slideshow

Wed, 30 May 2007 14:34:28 GMT

Nú er kominn linkur héra til hliðar af smá myndasýningu af huglistarsýningunni óður til augna og eyrna. Við erum að vinna í því að setja meira hér inn. Huglist tók þátt í málþingi hugarafls 10-12 maí. Þar kynnti Hanna Gerður félagið og Atli og Stefán fluttu ljóð. Hljómsveitin Ziggy's Freaks spilaði fjögur frumsami lög á fimmtudag og föstudag. Það er unnið að því að klippa saman myndbönd af málþinginu.

Lokum í dag

Sat, 17 Mar 2007 13:10:33 GMT

Sú stunt rennur upp í dag að sýningunni verður lokað. Það er opið til sex og eftir það förum við að ganga frá. Það eru blendnar tilfinningar hjá hópnum þessa dagana. Það er mikill söknuður því þetta hefur verið mikið ævintýr og hamingja og mikill lærdómur. Við vonum að sá lærdómur sé ekki eingöngu innan Huglistar heldur einnig hjá þeim sem hafa aðstoðað okkur og þeim sem hafa komið til að skoða sýninguna.

Huglist

Opnunin

Thu, 08 Mar 2007 12:38:47 GMT

Opnunin 3. Mars gekk framar vonum. Yfir hundrað manns mættu.Bæjarstjóri Akureyrar og Þorbjörg yfirmaður menntasmiðjunnar opnuðu sýninguna. Í miðri dagskránni ruddist fram maður og fór í ræðupúltið og færði Huglistarhópnum óvænta gjöf. Það var Níels á Safnasafninu og færði hann hópnum bókagjöf og bauð okkur að sýna í nýja síningarsal safnasafnsins á næsta ári. Þá var komið að atriði Ziggy‘s freaks. Hljómsveitin flutti lagið Huglist, óður til augna og eyrna við mikinn fögnuð. Kaffisala var á opnuninni og gekk salam mjög vel. Það verður kaffisala einnig um næstu helgi.Sýningin stendur til 17. Mars og er opin alla daga. Það er alltaf einhverjir félagar Huglistar á svæðinu.

Sumarbústaðarferð

Fri, 23 Feb 2007 17:50:09 GMT

Þrír félagar Huglistar fóru í sumarbústaðarferð á þriðjudaginn þeir Sigurður, Sigmar og Finnur.
Þar svömluðu þeir í heitapotti nánast allan sólarhringinn til ða ná úr sér streitu og endurnæra sig
fyrir opnunina á Huglistarsýningunni. Þó var þetta ekki eintóm slökun því nokkrar æfingar voru gerðar.
Kíkið á linkinn Æfingabúðir hérna til hliðar.
Núna er alvaran tekin við aftur og eru allir kófsveittir í undirbúningi fyrir sýninguna. Eftir helgi byrjar uppsetningin.
Hljómsveitin Ziggy's Freaks ætlar að æfa alla helgina. Nágrannarnir verða án efa mjög ánægðir með það.
Kaffihópurinn er kominn í gírinn og eru pönnukökurnar bakaðar á þremur hellum. og ekki er þverfóta í Álfabyggð fyrir rjóma og sultum.
Ziggy Stardust fígúran var sett upp á Glerártorgi í kvöld. Finnur og sigurður fóru í það með aðstoð Sigga og Pálínu. myndirnar af því eru hér til hliðar.

Huglist

Huglist: Opnun 3. Mars

Mon, 19 Feb 2007 15:38:16 GMT

Huglist

Sat, 17 Feb 2007 18:29:39 GMT

Nú er Huglistarhópurinn komin með bráðabirgðasíðu og hér koma allar heitustu fréttirnar af hópnum. Undirbúningur sýningarinnar gengur vel og það hreinlega stefnir allt í það að allt verði klárt fyrir opnunina 3. Mars.Nú er búið að stofna hljómsveit Huglistar og heitir hún Ziggy‘s Freaks. Meðlimir hennar eru Finnur (rafgítar), Atli (kassagítar), og Sigurður (bassi). Þetta er sosum ekkert fast mótað. Finnur á það til að taka bassann og nú er komið trommusett í álfabyggðina og þar sem atli er eini trommuleikarinn í hópnum þá kemur hann til með að tromma eitthvað. Öllum í Huglist er velkomið að taka þátt í hljómsveitinni. Myndir af æfingum eru til hliðar.

Unnið er að því að setja upplýsingar um alla félaga Huglistar hér inn.

Huglist.

Huglist

Wed, 14 Feb 2007 00:02:13 GMT